නිරුවතින් පැමිණ
සුදුවතින් අවසන් ගමන් යන
නිස්සාර වූ ජීවිතය
විගඩම් නටන රඟ මඩලකි....
ඒ රගමඬලේ
නවතම සොයාගැනීම
අනෙකාගේ උපන්දින සාදයේ
තම නිරුවත ලොවට ප්රදර්ශනයයි....
සංස්කෘතිය නම් වූ
මානව යහ පැවැත්මේ
අවසාන හුස්ම පොද යදින
කාලයයි මේ....
නැවතත් යා යුතුය
ගල් යුගය
දඩයම් යුගය වෙත
එහිත් මෙහිත් ඇති වෙනස
කුමක්ද කියා බලන්නට....
එකෙකුගේ උපන්දිනය
තවකෙකුගේ නිරුවත
ලෝකයට විකුණන දිනයකි..
විලසිතා නම් මොනවාද
කා හටත් යා හැකිය දැන්
ඉරුනු කඩ මල්ලක් හැද ...
ප්රසිද්ධිය අරමුණ නම්
යන්නට තව දුරක්
සිතනු මැන තවවරක්...
ජනරංජනය වන්නට නම්
සිතනු තව වරක් නුඹ
ජන සම්මත විය යුතු බව....
S.Nakandala
No comments:
Post a Comment